quarta-feira, 5 de junho de 2013

caderno de apuntamientos // caderno de apontamentos


55.
tu inda te debes de lhembrar bien de la casica de rue la Frauga, puis solo la botemos abaixo pa l'albantar yá tu teneries uns siete anhos; tenie dues partes, la casa de morada i l palheiro adonde teniemos la palha, la burra i las cousicas de trabalhar ne l campo; apegaba cula curralada de abó Fracisco, mas habie un calejon antre eilhas, que apuis metimos pa la casa quando la albantemos.
anton la casica de morada era assi:
1. tenerie ende 3 por 5 alantre, que era era mais streita, i 4 por 5 atrás, mas al todo cuido que nun chegarie a 20 metros quadrados ou andarie por ende;
2. antraba-se por ua puorta cun postigo i aldaba;
3. la puorta daba pa la preça de casa, que era de tierra batida;
4. porriba la preça de casa habie un triato adonde arrimábamos algues cousicas poucas;
5. al lado squierdo de la preça de casa quedaba un quartico cun stuque de trabas adonde teniemos la nuossa cama i al lado l catre adonde drumies tu i Abel; apuis quando naciu Manuel ponimos l brício al meio i nun habie campo para mais;
6. l lume quedaba apuis la preça de casa i era de teilha bana, que solo daba para poner l murilho i ua talha i un talhico para mos sentarmos;
7. l murilho staba ancostado a la parede que era mui negra de l folhin i habie un palo spetado na parede para colgar l caldeiron i calcer l'auga i l quemido de l cochino;
8. acerca l murilho staba l louceiro adonde poniemos las malgas de l caldo i un prato ou dous de adonde quemiemos todos;
9. tamien habie ua mesica mui pequeinha que daba para poner un prato al meio i apuis poniemos mos alredror a quemer;
10. por trás de l louceiro staba la cuba de 30 almudes que yá habiemos traído de la casica de l Barrialto;
11. afuora esso todo, cumpletában la mobilha las tanazes, un fol, la bacie de smalte para mos labarmos, un baldo de lata, l cántaro de l'auga, que tamien era de lata, l caixon para guardar l pan, dues ou trés panelas de fierro, i l bardeiro de milho, esso sien cuntar, claro, cun sachos, fouces i assi.

//

tu ainda te deves lembrar bem da casinha de rua da Frágua, porque só a destruimos para lhe fazer um primeiro andar quando já terias uns sete anos; tinha duas partes, a casa de morada e o palheiro onde tínhamos a palha, a burra e as coisinhas de trabalhar no campo; ficava junto à curralada do avô Francisco, mas havia um espaço de cerca de meio metro entre elas, que depois incorporámos na casa quando a compusemos:
então, a casinha de morada era assim:
1. teria cerca de 3 por 4 na parte dianteira, que era mais estreita, e 4 por 5 atrás, mas no total penso que não chegaria a 20 metros quadrados ou andaria por aí;
2. entrava-se por uma porta com postigo e aldraba;
3. a porta dava para o hall de entrada, que era de terra batida;
4. sobre o hall havia um estrado onde arrumávamos algumas coisinhas poucas;
5. do lado esquerdo do hall ficava um quartinho com tabique de madeira onde tínhamos a nossa casa e ao lado o catre onde dormias tu e o Abel; depois, quando nasceu o Manuel púnhamos o berço no meio e não havia espaço para mais;
6. a lareira ficava depois do hall e era de telha vã, pois só dava para la colocar a pedra de fazer a lareira e uma banca e um banco para nos sentarmos;
7. a pedra da lareira estava encostada à parede que era muito escuro devido à foligem e havia um pau espetado na parede para dependurar o caldeiro e aquecer a água e a comida do porco;
8. perto da pedra da lareira estava o louceiro onde colocávamos as malgas da sopa e um prato ou dois de onde comíamos todos;
9. também havia uma mesinha muito pequena que dava para colocar um prato ao centro e depois dispúnhamo-nos a volta a comer;
10. detrás do louceiro estava a cuba de 30 almudes que já tínhamos trazido da casinha do Bairro Alto;
11. além de tudo isso, completavam a mobília a tenaz da lareira, um fole, a bacia de esmalte para nos lavarmos, um balde de lata, o cântaro da água, que também era de lata, o caixão para guardar o pão, duas ou três panelas de ferro, e o vassouro de milho, isso sem contar, claro, com sachos, foices e assim.



Sem comentários: