boteste te a pacer pula paisaige

boteste te a pacer pula paisaige
anque nien sabas de quei tenies fame


solo apuis te deste de cuonta 
que le apanhabas l pelo
para le fazer tranças a la prainada


al fin, sentado an modo de cabeço,
dolie te la lunjura
i l silenço era te un outro modo 
de la canseira an sou resfuolgo


ls suonhos duolen te de maduros
i buscas çcanso para que manhana
inda cuntines a poder cun eilhes:
sien eilhes yá nun bibes,
cumo tartua an sue couraça.