ua óndia que te botas i lhougo
l mundo s’azinolha i tu seguiste
que ye un diabro la pena que te dás
atrabesseste me cula punta
mais aguçada dun suonho
i muito me tardórun las palabras a benir
nun tenes que te znudar de ti
que l carambelo solo beisa la teç
cúscaro que se fui formando
de lhágrimas i caminho
tenes roixo de sobra i amarielhos
adonde ancostar ls miedos
nun para an casa l reloijo i la spera
soubiras tu tecer i la tela
anteira te sperarie an Ítaca
naide sabe ls largos mares ls anhos
que las oudisseias atrabéssan
Sem comentários:
Enviar um comentário