era un die feliç
atrabessado de selombras,
friu cumo ua andefréncia
era un die feliç
staba eilhi a la mano
mas naide daba por el
era un die feliç
- ls dies nun son felizes, deziste
son dies i nada mais
era un die feliç
porquei habies tu de star feliç
se la felcidade nun s'apega?
era un die feliç
cun sou claro sol de primabera
mas esso de nada te baliu
porquei buscas dies felizes
se nien sabes cumo
bai a ser manhana?
scribes poemas
mas nunca cuides
que mánan felcidade
Sem comentários:
Enviar um comentário