segunda-feira, 27 de fevereiro de 2012

floresta


tanta ambora se dórun hoije pul mundo
cousas terribles i até un prémio nobel de l'eiquenomie
que acá bieno a dezir mos que
ganhamos de mais
que bien, bien ye mesmo ganharmos menos
si, ganharmos muito menos i inda porriba
ye doutor por mais ounbersidades que you sei alhá...

assi i todo, cun tanta ambora, naide soubo
que te naciu ua tristeza fonda
i que l'arrimeste la an pie las outras todas
cumo ua floresta spessa i fuorte
assi quando le dir l aire
ha de chorar, anque todo mundo
nada mais ouba que cantar, quei ye cantar?

l que tamien naide sabe ye que
un die hei de chiçcar ua motossierra
i corto rente al suolo la floresta
i de sous tuoros fazerei rachones
al modo para lhume arder al modo
calcer risas i soltar l brinco de l die
tanta ambora pul mundo que hoije naide soubo...




2 comentários:

Marcolino e Mara Cepeda disse...

realidade
força tamanha
que assusta
povoando sonhos que não tenho

os acontecimentos deste mundo
não se podem queimar no lume
mesmo cortando rente a floresta
de que não somos parte

estamos condenados
a vivê-los
a sonhá-los
sem noites
de dormir

onde está a canção de embalar?

Beisico

Amadeu disse...

ye berdade, Mara,

mas naide puode ampedir essa ambora de que naide soubo i que naide dou

naide me puode ampedir de sonhar
seia spierto
seia a drumir
i esso nunca será ua cundanaçon

beisico
A.