quarta-feira, 16 de novembro de 2011

l oulor a burmielho


l oulor a burmielho antranhou se cumo
un beiso an busca la madureç,
amarelhando lhembráncias doces
alas que nunca déixan de ser passos

pulas raleiras de suonhos sónan
campanas perdidas, cansadas
de arrolhar bózios de soledade
que las palabras de outonho

nun dan para atamar: nun me
preguntes l segredo de ls fruitos
que solo a sumbrar daprendi
cerrado nun pertérito ampurfeito

nun pare sous passos l resfuolgo
i l pie de mar cun que acúbren
l cielo ls uolhos siempre mos lhebará
atrás l bolo sien tiempo de pousar




2 comentários:

Marcolino e Mara Cepeda disse...

Nun sgotarei l que tengo para escrebir porque nun cunsigo, inda, lutar contra a delor que me faç, por bezes, sucumbir.
Sou ua natureza relatibamente simples i alegre a quem la bida ten spurmentado de bários modos i feitios.
Trilho l miu camino de muitos storbilhos i tengo cunseguido chegar siempre aonde quiero. Las piedras de l miu camino ansisten an eisistir.

(Isto é qualquer coisa sem jeito nenhum. Desculpa o atroz tratamento que dou à tua língua.)

Uma quase resposta
beisico
Mara

Amadeu disse...

sentir l delor i nun lo aceitar yá ye un modo de lhuitar acontra el, nien que seia cun palabras. Feliç de ti que tenes cunseguido chegr adonde quieres.

beisico
A.