sábado, 22 de outubro de 2011

pensamientos


tengo, a las bezes, uns pensamientos guapos,
chenos de fuorça i lhuç,
capazes de demudar i fazer mundos,
mas l cuorpo nun ls quier,
ye fraco l coraçon pa ls aguantar:

nun gusto de pensamientos
cun bocaçon para pantasmas!




2 comentários:

Marcolino e Mara Cepeda disse...

Hoije, Amadeu, todos ls suonhos que tengo, son pantasmas.
Siempre fui ua sonhadora de suonhos azules i guapos.
Agora suonho suonhos preacupados, suonhos raiados de quelores nefastas...
Será que l tiempo lieba la pureza cun que naci?
Tengo suidades de mi an tiempos que nun estes.

Mara

Amadeu disse...

Son guapas las tues suidades, Mara, puis búscan guapos tiempos: a las bezes, quando l cuorpo ajuda, l tiempo passado puode serbir de mulata que mos ajuda a amparar de ls ambarrones de ls dies.

beisico
A.