segunda-feira, 5 de setembro de 2011

scrabos de lhuç


quando acunho ls uolhos,
bénen-me quelores,
tócan campanas;

nunca sei quando me trai
sou bolo algun oulor
ou l perro de l tiempo pula colheira;

fura l pensar ber
d'uolhos cerrados
i nunca eirie alhá la scoba,
prejoneiro de lhuç i cascas;

daprende a cerrar ls uolhos nó
pa que calhes l que nun quieres ber
mas ber l que solo ls uolhos nun béien;

ye ciego i boubo l poeta:
cumo nunca acradita ne l que bei,
busca, ne ls slúbios dies, frisgos
por adonde scapar de la cadena,
modos de çcubrir einutelidades
de que come i naide quier saber.




1 comentário:

Marcolino e Mara Cepeda disse...

Escapar das cadeias que nós próprios tecemos, escondendo desejos que já não temos, resume-se ao facto de apenas sermos.