sábado, 28 de fevereiro de 2009

ua cultura cun uolhos a mais


a la bezes fazo-me ciego, arrenego de ls uolhos i quanto por eiles entra: yá nada quiero ber de l mundo, todo feito pa ls uolhos cumo quadro que se colga na parede; ye assi que chamo la música, sien uolhos a poluí-la, i ls sabores i ls uolores, todo cousas que melhor bíben cun uolhos cerrados: criemos ua cultura cun uolhos a mais i esso faç-mos ciegos pa l mais de l mundo i de nós, que nun se bei.



2 comentários:

Anónimo disse...

Tenemos mais uolhos que barriga!
Un consumismo que tenie que dar, no que dou.
Beisicos amadeu.
Adelaide

Amadeu disse...

Sabes Adelaide,

Ye berdade l que dizes. Mas hai cousas que ls uolhos nun las béien, las mais amportantes. Bendo bien, esta ye ua cultura cun uolhos a mais i barriga a mais, mas hai cousas que nun se cómen i ende la barriga nun sirbe para nada.

Beisicos,
Amadeu