sexta-feira, 29 de fevereiro de 2008

L'águila, l cuorbo i l pastor


Ua águila botou-se cun to la fuorça zde bien alto i agarrou un cordeirico culas gárrias. Un cuorbo biu l que eilha fizo i quijo fazer la mesma cousa: botou-se de mui alto acontra un cordeirico, mas dun modo tan zageitado que las gárrias se le anrodilhórun na lhana i, por bien que sbolaixasse, nun se cunseguiu soltar.

L pastor, al ber l que se passaba, agarrou l cuorbo, cortou-le las puntas de las alas i lhebou-se-lo als filhos. Estes preguntórun-le que páixaro era aquel, i el dixo-le:

- Para mi ye un cuorbo, mas el cuida que ye ua águila.

Porqui se bei que debes de ampenhar-te naqueilho an que stás purparado, i nó naqueilho que nada ten a ber cuntigo.


Sem comentários: