Queries tue aldé an pie
De l mar, la cidade grande:
You nun quiero eiqui la mie
Nien que deilha bien loinge ande.
Nas cuostas de Pertual
Fui adonde un die naci:
Inda hoije pregunto qual
La rezon porque sali.
Ua pátria acrecentei
A l'outra que tenie yá,
Ye mui pequeinha, bien sei,
Mas creciu-me mais acá.
Agora yá nun ten cura
Este mal que bolbi suonho:
Spertar nó, que talbeç fura
Pior que perro sien duonho.
Fonso Roixo
Subscrever:
Enviar feedback (Atom)
Sem comentários:
Enviar um comentário