quinta-feira, 31 de maio de 2007

Un tema que nun passou de moda

Amor puode ser pan ser madrugada

puode ser nuite sin acunhar uolho

ua cantiga un beiso ua mirada

un ombro ua palabra mano cuolho.


Amor para quedar ye bagamundo

para tener nun puode mais que dar

para bibir deixa morrer sou mundo

buscar çcanso puode ser trabalhar.


Puode ser ua spera ne l camino

un géstio ua frol que mos naciu

puode ser un siléncio que s’arrame.


Nunca puode parar ye pelegrino

siempre a manar cumo se fura un riu

ten de star cheno i siempre tener fame.


Fracisco Niebro, Cula torna ampuosta quienquiera ara (2004)




1 comentário:

zm disse...

a las bezes zbia-se l´arrado mesmo culha anpousta